Conmemorando e tragedia di 25 aña pasa na Bijlmermeer, Amsterdam Zuid Oost

Bijlmermeer, Amsterdam Zuid Oost: Diadomingo dia 4 di october aña 1992, pa 6’or y 36 di atardi un tragedia a tuma lugar, cu a laga heridanan hopi doloroso atras pa e habitantenan di Bijlmer. Na momento cu e avion di carga, un boeing 747, di e compania El al di Israel ta cay riba e flatnan Groeneveen y Kruitberg, cu tabata situa den e curason di Bijlmer.

Varios Arubiano y yiu di Korsou entre e victimanan

Den e tragedia aki 43 persona a perde nan pida , entrenan varios arubiano, yiu di korsou y tambe e tres tripulantenan di e avion, varios otro persona a keda herida. E tragedia aki nunca lo pasa pa historia pa e habitantenan y ex habitantenan di e flatnan. Tur aña riba e fecha aki nan ta recorda e victimanan di e desaster aki na un mata cu a mira e desaster aki pasa, “de boom die alles zag” .

” De boom die alles zag”

Tur cu a sobrevivi e tragedia aki, amigonan y famianan hopi liher nan a traha riba un lugar special pa recorda nan sernan keri, e sitio cu nan a escohe pa recorda nan sernan keri a bira, rond di un mata, un mata hopi special cu tin hopi anja na e sitio unda e desaster a sosode y es mas e mata aki a sobrevivi e crash y e candela feros cu tabata tin. E lugar aki a bira un lugar hopi importante pa tur esnan cu ta buska consuelo pa nan tristesa. Tur anja nan ta comemora e victimanan na  “de boom die alles zag”, Rond di e mata aki nan ta pone belanan chikito y tambe potretnan. Durante e comemoracion, pa respet pa tur e victimanan, niun avion no ta bula e ruta cu ta pasa riba Bijlmer, normalmente e ta un ruta hopi druk pa Schiphol.

Galeria construi na e sitio unda e desaster a tuma lugar

Despues e sitio aki a keda oficialisa, e architecto Herman Hertzberger a construi un sorto di galeria y cu textonan cu ta relaciona cu e desaster, tambe cu Mozaiektegelsnan di e habitantenan, di esnan cu a sobrevivi y tambe di e hulpverlenersnan, nan mes a traha e tegelsnan bou guia di Akelei Hertzberger, yiu di e architecto Herman Hertzberger.

Mas despues gemeente Amsterdam a laga traha un monumento nobo, pero esaki no a cay den bon tera cerca e habitantenan paso nan no a wordo envolvi den esaki y nan no ta reconoce nan mes den dje.

Conmemorando e victimanan di e desaster

Diaranson, 4 di Oktober 2017, ta recorda e di 25 aña y ta conmemora e victimanan di e tragedia na Bijlmer, lo cuminsa pa 5’or di atardi den e Atrium di Cultureel Educatief Centrum-Gebouw. Despues di e conmemoracion na CEC-gebouw lo sigui cu un stille tocht bay na Het Groeiend Monument.