Tres persona herida den accidente serio na Sero Pita

Sero Pita – Diasabra anochi algo prome cu 9:30 polis a wordo manda e crusada di Sero Pita cu ta bay pa Emmaschool, pa un accidente serio.
Na yegada di polis di trafico nan a constata cu tin tres persona herida, pero no di gravedad.

E dos autonan envolvi ta un Nissan y un Toyota.
Loke nos a bin compronde na e sitio, ta cu e Nissan a subi e crusada y no a duna e Yaris preferencia.
Di e manera aki e Yaris ta dal contra e Nissan, net na e porta di e chauffeur.

Total tres persona a resulta herida, ambulance a trata cu e herido nan.
Daño material si ta considerabel.