Amsterdam, Hulanda: E programa di television na Hulanda, Adam Zoekt Eva, ta un reality serie, cua ta wordo pasa na RTL5. E prome episodio tabata dia 4 di maart 2014, ta trata di un programa di dating, caminda algun candidato soltero cu ta buskando un relacion serio ta topa otro sunu riba un isla tropical. Asina cu e dos candidatonan cuminsa conoce otro ta yega un di tres candidato sunu. Un di e candidatonan lo mester kies entre e dosnan. Esun cu no wordo escohi lo mester bandona e isla. E dos candidatonan cu a keda despues di nan estadia riba e isla ta mira otro pa prome biaha cu paña bisti y mester dicidi si nan ta sigui cu otro.
E anja aki RTL 5 a traha un version di Adam Zoekt Eva cu celebridadnan hulandes, e prome episodio tabata dia 18 di mei 2017.
Entre e personahenan hulandes cu a participa na e Reality serie aki, tabata tin un Arubiano, Curt Fortin.
Curt Joshua Fortin a nace dia 27 september 1978 y e ta un presentador, actor y escritor Hulandes-Arubiano. cu su 5 aña ela bay Hulanda, cu su 14 aña Fortin tabata miembro di un band cu a toca na Boneiro, Korsou y Aruba. na 1999 ela dirigi un pelicula chikito cu yama Kleine Man. Su carera na television a cuminsa na aña 2002 cu su participacion na Star Academy, despues di esaki ela haya diferente rolnan chikito den e serie Onderweg naar morgen, Bonbini Beach, AlexFm y un rol den e musical De Zevensprong.
Na 2005 Fortin a cuminsa su carera di presentador, dos aña largo ela presenta Top of the Pops, tambe ela hunga den e serie di Nickelodeon Het Huis Anubis. Desde 2010 ela contribui na dos programa pa mucha. For di 2012 e ta un presentador y reportero pa e radio y programa di television di Omroep West.
Fortin a traha 5 anja largo na e roman pa hobenan titula Yakanuko- Een gevaarlijke opdracht. Esaki ela hacie hunto cu e illustrador Nick van leent kende tabata responsabel pa un cantidad di ilustracion den e buki. E buki a wordo emiti pa Uitgeverij Leopold, cu e buki aki, Fortin y Van Leent na JUni 2015 a gana e Hotze de Roosprijs. Na 2016 nan a hiba nan creacion Teater, como un presentacion di famia Yakanuko- Vecht voor je dromen cual ta un extension di e buki. Fortin y Van Leent tabata parti di e casting.
Tambe na aña 2015 ela scirbi un buki yama Een reu reu reuzenslang pa Aruba su kinderboekweekgeschenk.
Durante un entrevista cu e seccion di entertainement di Telegraaf a tene cu e celebritiesnan hulandes, cu ta participando den e programa di Adam zoekt Eva, Fortin a bisanan cu e tambe ta bin di un isla, cu ta Aruba y cu e competencia riba e isla tropical aki, ta mescos cu ta un competencia na cas e ta.