Home Lifestyle Awe, dia 29 di September ta dia mundial di Curazon.

Awe, dia 29 di September ta dia mundial di Curazon.

SHARE

Nos di Fundacion di Curazon kier a para keto y duna importancia na e dia aki.Bo curazon ta e motor di bo curpa. E ta laga bo hari, stima y biba un bida completo. No pa spanta ningun hende pero problema nan di curazon y ader ta e morto number UN mundialmente y Aruba no ta keda afo.Pesey ta asina importante pa cuide y dune su importancia.

E bon noticia ta cu problema nan di curazon y ader por wordo prefeni. Hasiendo solamente algun cambio pa dia nos por logra esaki.

Manera:

❤️ stop di huma

❤️ come mas saludable p.e menos fast food, come mas fruta y berdura y inculca     esaki den nos muchanan tambe.

❤️ hasi ehercicio p.e subi trapi, join club nan di movecion, cana como famia

❤️ check bo presion regularmente

Laga nos tur como adulto duna ehempel na nos muchanan. Obesidad na jong lo trece hopi problema ora nan bira adulto. Pesey nos di Fundacion di Curazon a cuminsa bishita schoolnan pa trece tur e information nan necesario na un manera comprendible pa asina nos por yuda baha e cantidad di problema nan di curazon mas tempran possibel.