Home Politics MEP: Partido MEP ta gradici cada votador di nos partido Nos...

MEP: Partido MEP ta gradici cada votador di nos partido Nos lucha pa logra no tawata facil

SHARE

Partido MEP ta gradici tur esnan cu a sostene nos den e eleccion di diabierna September 22. Un danki di curazon na nos 22 mil votadornan kendenan a deposita nan confiansa den Partido Movimiento Electoral di Pueblo. Cada voto ta yuda nos carga nos vision y e mensahe di speransa pa e comunidad di Aruba. Esaki sigur ta duna nos curashi y mas determinacion pa continua.

 

Cu e sosten aki, Partido MEP a crece cu 5 mil voto y 2 asiento, loke tin nos sumamente contento. Aunke nos a desea un veredicto di pueblo na unda nos lo a goberna e pais aki cu un mandato absoluto, y asina haci’e mas facil pa nos pa cuminsa traha mesora riba e progreso y bienestar di e pais. Sinembargo pueblo a dicidi diferente na unda nos conoce e resultado, cu partido AVP a haya 9 asiento, MEP a haya 9 asiento, POR a haya 2 asiento y RED a haya un asiento.

 

E eleccion aki no tawata uno facil pa nos. Nos a bataya contra un partido cu a haci uzo ilimita di fondonan publico pa haci nan campaña. Buscando hasta hendenan di afo pa ta parti di nan campaña di mentira. Un partido cu a intimida hende den diferente forma pa vota pa nan. Sinembargo, nos trabou incansabel y determina a haci cu nos a logra cu pueblo a sostene nos cu 5000 voto extra y 2 asiento extra. Y esaki ta haci nos hopi contento pasobra pueblo a vota contra corupcion y contra mal maneho di partido AVP.

Partido MEP ta duna pabien tambe na partidonan RED, POR y RAIZ cu e resultado cu cada un a haya.

Lider di MEP, sra Evelyn Wever-Croes a bisa den un entrevista: “Nos a desea di a ricibi un mandato cla di e pueblo pa asina nos cuminsa traha den e proximo gobernacion na bienestar di e pueblo aki. Sinembargo, e pueblo a dicidi otro. Y pa nos di MEP ta un honor cumpli cu e deseo di pueblo y sondea e posibilidadnan pa forma un coalicion.

Nos compromiso cu pueblo tawata pa rescata e pais aki di e pio gobierno cu nos a conoce y keto bay, esaki ta nos mision”.