Lagoenweg – Diahuebs anochi den careda di 10’or un empleado di e restaurant West Deck a bira victima di un atraco arma mas.
Den careda di 10:24, polis ta wordo manda na Lagoenweg, caminda un persona lo a wordo atraca. Segun e persona, cu aparentemente ta un empleado di e restaurant menciona ariba, a drop off e benta di dia na nan main office.
Segun e ta conta polis dos persona a presenta y cu lo a papia spaño cune, lo a atrake. Un di nan lo tawata cara full tapa. Segun vocero policial Señor Laclé, un di nan tawata tin e arma di candela cune.
Na e sitio, nos a compronde cu nan a bay cu e benta di dia, cu ta ariba mil dollar.
Mester remarca cu e area caminda e empleado lo tin di entrega e placa probablemente tur anochi, ta scur y hopi keto mes eybanda. Pues lo ta bon pa gerencia di e restaurant, pensa un otro opcion pa den futuro.
Atraco team a wordo informa di e atraco arma aki.
Cu esaki nos data base ta conta di 62 atraco, desde di januari 2017 te cu september 7 2017.