Home » Ultimo raportahe di CAFT ta satisfactorio Minister Bermudez “Semper CAFT ta pone den su rapport cu reduci e deficit ta un reto, pero semper nos a cumpli cu e reto ey”

Ultimo raportahe di CAFT ta satisfactorio Minister Bermudez “Semper CAFT ta pone den su rapport cu reduci e deficit ta un reto, pero semper nos a cumpli cu e reto ey”

by sxm
0 comment 65 views

ORANJESTAD – Colegio di Supervision, CAFT a emiti un rapport over di e prome mita di 2017 cu ta masha positivo mes. Tanto Prome Minister Eman como Minister Bermudez di Finanzas Publico a mustra nan satisfaccion cu e analisis aki. Minister Bermudez: “Berdad ta cu e reaccion a base di e resultadonan ta alentador.”

Bermudez a splica cu naturalmente CAFT ta duna diferente remarca y critica cu gobierno mester tene cuenta cu nan. Asina CAFT ta bisa cu ta keda un reto pa logra e deficit manera ley ta prescribi di 0,5%. “Pero, nos no mester lubida di unda nos a bin”, Bermudez a comenta. Tabatin un deficit na 2014 di 5,8% cu a wordo baha na 2015 na 3,7%, na 2016 esaki a baha bou di 2 % y e aña aki gobierno a pone como meta manera stipula den e LAFT ((Landsverordening Aruba tijdelijk financieel Toezicht) cu e mester yega na 0,5%. “Tur cos ta mustra cu nos ta bay realisa esaki”, Bermudez a bisa. “Mi mester bisa cu esaki ta di 8 kwartaal raportahe cu ta haci y semper CAFT ta keda bisa cu e ta un reto, pero semper nos a sa di cumpli cu e reto ey y e cuentanan anual ta demostra esey tambe.”

Bermudez a splica cu pa e prome mita di aña Aruba tin un deficit di 0,7%, asina ta cu falta 0,2% pa yega na 0,5% cu gobierno tin su dilanti manera stipula den ley. “Mi tin tur confiansa cu nos ta bay logra esey tambe.” Den e rapport e Colegio di Supervision ta analisa diferente aspecto. Asina CAFT ta mustra cu compara cu añanan anterior entrada di gobierno a sigui subi y cu gobierno tin dominio riba crecemento di gasto y esey ta necesario pa por logra e deficit di 0,5% cu ta hopi mas abou cu e añanan anterior. “Siguiendo e trend aki nos ta bay yega na un Balanced Budget e siguiente añanan y  hasta un surplus. Asina e schuldquota di pais Aruba ta baha tambe. Poco poco e debe nacional ta baha y yega na un nivel cu internacionalmente ta wordo considera duradero”, Bermudez a splica.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio