Home Uncategorized Dos ruman muhe chikito envolvi den accidente pisa na Moko, transporta cu...

Dos ruman muhe chikito envolvi den accidente pisa na Moko, transporta cu air ambulance pa Colombia, diadomingo anochi

SHARE

General Aviation Center – Diadomingo anochi laat, despues di basta preparacion henter dia, ambulancenan a yega cu 2 di e tres rumannan muhe cu tawata envolvi den e accidente serio na Moko.

Manera tur hende sa, diadomingo mainta, un accidente serio a sosode entre un Nissan y un Pick up.
Tur e impacto tawata na banda drechi, parti patras y net caminda e criaturanan tawata sinta.

Unidadnan di rescata mes ora a haci nan maximo esfuerso pa sacanan for di e auto. Pero ya esnan cu tawata tratando cu nan a wak e gravedad di e incidente y di e slanan cu e muchanan a ricibi.

Dos di e rumannan a wordo hinca mes ora den I.C.U. E ora a opta pa manda nan Bucaramanga Colombia. Nos por a wak dos miembro di famia cu a compaña e muchanan.

Dos ambulance a yega y por a wak con nan a ser hinca den e avionnan.

Despues di algun minuut di verschil e avionnan a lanta vuelo pa Colombia, cu tawata tin un duracion di 1ora y mey mas o menos.