Home » Maurits Malmberg: “Filosofia di partido AVP ta di dialogo social y democracia participativo”

Maurits Malmberg: “Filosofia di partido AVP ta di dialogo social y democracia participativo”

by sxm
0 comment 99 views

ORANJESTAD – Maurits Malmberg ta candidato #22 riba lista di AVP y ta forma parti di e directiva di Fundacion Digna Lacle Herrera cual entidad a organisa evento di 1000Voz. Tabata mas cu propicio e ora ey, pa ta Malmberg e ora kende a haci introduccion oficial di e Programa di Partido di AVP titula ‘Aruba Padilanti: 2017-2021’ cual ta un resultado directo di e consulta historico haci cu pueblo.

Cu e pensamento cu participacion civico di e ciudadanonan ta importante pa crea un futuro solido y balansa, 1000Voz tabata e prome dialogo y consulta di ciudadania organisa a base di un filosofia politico y den un forma innovador y amplio.

E obhetivo di e actividad tabata pa desaroya un programa di partido innovador, cu ta ser guia pa e pensamento Cristian Democrata y cu ta conta cu sosten di miembronan di partido y comunidad en general. E temanan cu a wordo discuti durante 1000Voz ta temanan cu ta basa riba e filosofia di partido AVP y tabata: Sostenibilidad, Comunidad, Salubridad y Economia.

“Aruba a conoce hopi reto, cambio y progreso e ultimo añanan y partido AVP ta orguyoso di ta forma parti integral di progreso aki. Ta nada menos cu scucha pueblo, bon preparacion y trabao duro a haci e cambionan pa miho posibel. Un politica cu un aprecio fuerte pa dialogo social y democracia participativo,” asina Malmberg a bisa na final di su discurso.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio