Home Uncategorized Update: Caso di arubianonan teni como rehen na Venezuela.

Update: Caso di arubianonan teni como rehen na Venezuela.

SHARE

Barcadera: Diaranson te laat di anochi tabata tin bastante auto staciona riba e beach net pabou di e waf di Barcadera, e autonan tabata di e famia y amigonan di esnan cu supuestamente lo tabata secuestra na Venezuela.

Tin varios informacion no oficial ta coriendo rond, sin cu pueblo por haya un confirmacion y un update di kiko exactamente lo a pasa, esaki ta treciendo hopi confusion y comocion sigui pa hopi storia cu mayoria biaha no ta e berdad.

 

Socio di secuestradornan a ricibi placa

No oficial a drenta un informe cu aparentemente un socio of amigo di e secuestradornan lo a ricibi e placa na Aruba y mane cu ela hay’e placa elo a manda e secuestradornan un potret di e placa cu elo tin den su poder pa asina por a laga nan den libertad. 

No oficial tin papia cu e secuestradornan lo a laga 4 persona mas bay, despues di a haya e mensahe cu e famianan di e rehennan lo a paga e suma di placa, cu nan tabata exigiendo, pero e secuestradornan lo no a cumpli cu nan palabracion y a keda cu un arubiano ainda como rehen na Venezuela.

Diferente version coriendo rond

Diferente version ta sigui core rond referiendo e caso di secuestro aki, den oranan di mainta a cuminsa core un version cu no ta trata di militarnan venezolano, pero di un grupo di pirata.  

Despues ta core un otro version cu e personanan aki lo a wordo haya ta horta gasolin y mester paga pa nan recobra nan libertad. 

Tanten cu niun persona no sali bin dilanti y duna un update oficial di loke exactamente a pasa y ta pasando, e situacion lo keda hopi confuso y sigur ta trece hopi comocion cu ne, mirando cu mayoria di localnan tin un of otro relacion cu Venezuela, en particularmente Estado Falcon.

Reino Hulandes advertiendo viaheronan pa no viaha pa Venezuela

Pa basta tempo caba Reino Hulandes ta advertiendo tur cu ta biba den Reino Hulandes pa no viaha pa Venezuela si no ta necesario, evita di bay Venezuela, si bo no tin nada di importancia di haci eynan. Pero te ainda hopi hende ta ignorando e advertencia aki y ta bay keda bay Venezuela. 

Pero Reino a pone bon cla cu cada ken cu bay e pais aki ta riba nan propio responsabilidad. Cada ken ta responsabel pa nan decisionnan.

https://www.nederlandwereldwijd.nl/reizen/reisadviezen/venezuela