Home Uncategorized Post Aruba N.V. contento di celebra 10 aña di servicio George Lejuez...

Post Aruba N.V. contento di celebra 10 aña di servicio George Lejuez a demostra di ta trahado ehemplar

SHARE
?

ORANJESTAD, Aruba: Gerencia y staf di Post Aruba N.V. ta masha contento di por a celebra e hubileo di nan colega George Lejuez. El a cuminsa traha den servicio di Post Aruba N.V. dia 20 di Augustus 2007. Kiermen George Lejuez a haci 10 aña di servicio.

 

El a inicia eherciendo su trabao na loket, despues e tabata Operador di Telefon y actualmente e ta trahando den departamento di Customer Service, unda e ta haciendo un tremendo labor. George Lejuez tin un caracter hopi bunita y e ta un persona trankilo. E ta amigabel y mas cu claro un bon trahado.

 

George Lejuez sa con pa atende clientenan y su area di trabao semper ta bon organisa. E ta un persona cu tin hopi potencial pa sigui crece den e compania. Como muestra di aprecio pa tur e añanan aki di trabao, Gerencia di Post Aruba NV a entrega George Lejuez su envelop mereci. Na e momento special aki a conta cu presencia di algun colega y su famia, kendenan semper a sa di ta un gran apoyo pe.

 

A funda e compania priva Post Aruba N.V. na aña 2005. Su oficina principal ta situa na J.E. Irausquin Plein # 9 na Oranjestad y tin 2 oficina adicional na Santa Cruz y San Nicolas. Ey ta ofrece tur tipo di servicio, for di manda un envelop, te na carga pisa. Post Aruba N.V. ta conta cu 111 empleado, cu diariamente ta yega na 42 mil adres situa tur rond di nos isla. Mas cu djis un servicio, e empleadonan atento ta percura pa tanto comunidad como sector comercial por comunica cu otro.

 

Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba N.V. y Aruba Stamps.