Home Uncategorized Base minimo di infrastructura pa scolnan prioridad di enseñansa pa Partido POR

Base minimo di infrastructura pa scolnan prioridad di enseñansa pa Partido POR

SHARE

Introduccion di un base infrastructural minimo pa scolnan di Aruba, teniendo cuenta cu e cantidad di alumno, tanto pa pa loke ta material, ekipo y facilidadnan, ta un di e puntonan di prioridad di Partido POR riba tereno di educacion y enseñansa.  Banda di esey, POR den e proximo periodo di gobernacion lo intensifica e maneho di mantencion di edificio di scolnan pa asina elimina e atraso cu tin riba e tereno aki. Mirando cu Colegio Arubano no tin espacio mas pa sigui crece na su localidadnan actual y cu Noord ta un di e districtonan cu mas rapido ta creciendo, lo construi un scol pa MAVO/HAVO/VWO na Noord.

 

Scolnan di Aruba mester ta dispone di ekipo y facilidadnan manera local pa duna les, banki y stoel comodo, smart TV, cantidad di laptop, conexion di internet, cantidad di baño, grandura di area di recreacion y grandura di areanan cu sombra pa asina mucha y hobennan por haya educacion na e nivel cu nan tin derecho riba dje.

 

POR lo haci esfuerso pa den e cuadro aki, promove modernisacion y digitalisacion di nos enseñansa. Lo crea scolnan saludabel cu cantina cu ta bende cuminda saludabel y area di recreacion cu ta brinda oportunidad pa e alumno haci movecion. Ademas lo ehecuta den fase un plan pa instala airco na scolnan.