Home » Homber cu a hit and run ta keda deteni, pa maltrata un dama y wordo haya cu cuchiu den man

Homber cu a hit and run ta keda deteni, pa maltrata un dama y wordo haya cu cuchiu den man

by sxm
0 comment 93 views

Sabana Liber/ Alto Vista:Diasabra den oranan di marduga un patruya a wordo manda cu urgencia na El Conquistador Apartments na Sabana Liber, pa un homber cu lo ta maltratando un muher.

Mesora un patruya ta bay na e sitio y na yegada nan ta mira un homber cu un cuchiu den su man ta core sali pafo, mesora e polisnan ta gar’e y ta kita e cuchiu for di dje. E homber a keda deteni y transporta pa warda di polis. 

E dama tabata tin un corta na su man y aparentemente ela ricibi varios golpi na su curpa. E polisnan na e sitio a pidi pa presencia di ambulance pa trata e dama aki. Pafor di e apartamento polisnan a topa cu un Daewoo Racer color donker rood, e tabata falta e bumper di dilanti y tabata tin sla basta recien na e auto.

Un poco despues polis a haya e informe cu un rato pasa na Alto Vista un auto lo a ranca dos palo di lus y a sigui core, pero a laga e bumper di e auto atras. Mesora un patruya a bay na e sitio y enberdad a confirma cu ta trata di e bumper di e Daewoo Racer di e mesun persona aki. E auto a keda confisca pa mas investigacion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio