Cura Cabay – Diasabra marduga Aruba ta conoce su di 59 atraco, den registro di nos site.
Tristo ta, cu den careda di 3’or di marduga, un señora di edad ta wordo sorprendi pa dos atracador arma y bisti na preto. Siguramente, un caso sumamente lamentabel, caminda cu e por a caba tambe den un drama. Danki Dios cu esaki a resulta otro. Ambulance a presenta y a hiba e señora Imsan pa un control.
Señora Rasmijn vocero suplente di cuerpo policial a duna e siguiente relato na prensa.
“Awe madruga pa mas o menos 03:18 central di polis ta haya un jamada di AC cu un atraco a caba di tuma lugar na un cas na Cura Cabai. Ta asina cu n a jegada di patrouille ta bin topa cu un senjora grandi na e cas cu ta declara cu un rato prome 2 homber full na preto bisti cu un arma di candela y nan cara no ta tapa , a drenta su cas y atrake. Un di nan lo a dal e cu e arma di candela na su cabez . Bai cu mas o menos afl 300, y tambe su cellular. Nan mester a huy na pia y tur dos a papia papiamento. Atraco team a presenta pa sigi cu e investigacion y tambe a pidi pa slachtoffer hulp mirando e situacion cu e senjora a pasa aden.
Ken cu por a wak of sa algo jama tiplijn di polis cu ta 11141”.