Home » Prome lustro di premio ‘Hoben y Talentoso’ cu reconocemento pa 32 hoben local

Prome lustro di premio ‘Hoben y Talentoso’ cu reconocemento pa 32 hoben local

by sxm
0 comment 76 views

ORANJESTAD – Diadomingo tabata un anochi hopi special na Aruba. Den salon di Marriott Aruba Gabinete Mike Eman pa di 5 anja consecutivo a duna nos hobennan un merecido reconocemento. “Ta un placer y un honor di por pone spotlight riba e ciudadanonan hoben aki cu, for di ya caba, ta un ehempel pa nos comunidad,” esey Prome Minister Mike Eman a expresa durante apertura di e evento.

Un total di 32 hoben a ricibi un plakkaat di reconocemento for di man di e mandatario hunto cu e palabranan di elogio y aplauso di invitadonan special y public presente. E hobennan reconoci ta resalta den terenonan di deporte, educacion, innovacion, musica, como empresario, den arte y tambe pa e proyecto di Formacion Social, cual tambe, mescos cu Hoben y Talento, ta un iniciativa di Gabinete Mike Eman.

Durante su cinco anja di existencia, Hoben y Talentoso a reconoce, elogia y resalta e bon ehempel di mas di 125 hoben di Aruba. Gobierno ta desea cu Hoben y Talentoso por continua pa hopi anja mas pa sigui resalta e Arubianonan cu for di un edad trempan no solamente ta desaroya na talento, pero tambe ta fungi como ehempel pa hopi otro hoben den nos comunidad. Ta gradici un y tur cu ta forma parti di e comision y cu a haci e anochi aki un realidad cu un gradicimento special na patrocinadornan Marriott Resort Aruba & Stellaris Casino, Aruba, Fundacion Lotto pa Deporte, Voice of Aruba, Mad Cam Pro y Gobierno di Aruba.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio