Home Uncategorized Clayton Croes di AVP: Ken ta Clayton Croes ?

Clayton Croes di AVP: Ken ta Clayton Croes ?

SHARE

Mi tin e dicha di por a nace y lanta hunto cu mi famia den e bario di Piedra Plat. Un bario den cual sin duda algun tin hopi momentonan memorabel pa conta di dje. Loke cu mi por corda di mi infancia  y hubentud,  ta pasa dianan largo den naturalesa hungando cu primonan y muchanan di bario. Como hoben mi a pasa hopi di mi tempo como miembro y despues como lider den grupo scout Cascabel na Ayo y Grupo scout Casibari. Scouting a formami di mucha caba como un persona cu hopi diciplina, respet pa mi mes,  e ser humano, rango, naturalesa , bestia y otro principio y balornan di scout. Esaki ta algo cu mi ta practica den mi bida diario, y awor politica a siňa mi hopi con pa tuma decisionan corecto y cu ta lagami drumi bon anochi.

Mi ta bin for di e districto di Paradera,  y a bay scol basico na Santa Cruz. Mi a bishita Colegio San Hose na unda mi a sa di cera hopi amistad cu a forma gran parti di mi bida y cu ainda mi por conta cu nan. Despues di  a termina esaki  cu exito mi a bay Colegio Arubano y a sigui mi VWO cu exito. Ora mi a gradua, manera hopi studiante, mi a scoge pa bay Hulanda y sigui cu mi estudio. Na Hulanda mi a termina mi Bachelor’s degree den Biomedical Science cu specialisacion den Microbiologia y Analyse. E ta un estudio cu ta practico y hopi hands-on. Algo cu semper a hala mi atencion. Un gran parti di mi formacion y disciplina profesional a bin di  e diferente periodonan di practica na Hulanda. Incluyendo St. Elizabeth Ziekenhuis, Erasmus Medisch Centrum, Avans Hogeschool y Philips High Tech Campus. Despues di a termina e estudio aki cu exito, mi kier a sigui studia den e ramo y desaroya mi conocemento academico den Biomedical Science y a logra termina mi Masters den Sciencia cu specialisacion den Management, Policy analysis y Entrepreneurship. Despues di a logra esaki, mi por orguyosamente carga e titulonan di ing. y Drs. Clayton Croes. E interes pa e estudio aki a nace for di chikito caba. Tur organismo cu ta forma parti di nos mundo semper a interesa mi y ta unda mi tabata sa cu aki ami kier haci un diferencia y yuda hiba Aruba Padilanti, CUPERSPECTIVANOBO !

Drs. Ing. Clayton Croes (30)

 

Estudio:

Master of Science (MSc), Biomedical Sciences

Infectie Ziektes & MPE (Management, Policy Analysis and Entrepreneurship)

Vrije Universiteit Amsterdam

 

Bachelor of Applied Science (BASc), Biomedical Sciences

Diagnostiek & Analyse

Avans Hogeschool Breda

 

Profesion:

Beleidsmedewerker DVG & Waarnemend Hoofd GKMB

 

Lema:

#CUPERSPECTIVANOBO