77
Oranjestad – Durante siman cu a pasa nos a haya e siguiente caso: Un turista Americano, aparentemente placa lo a caba cune y a wordo poni porta afo for di unda e tawata hospeda.
Algun dia pasa polis a top’e drumi un caminda riba Linear Park, pues di malo mes eta. Su suerte tabata cu e no a wordo atraca, aunke si nan lo no a haya nada paso placa a caba.
Diabierna mainta capitan no ta permiti e pasahero aborda avion
Ela yega aeropuerto trempan diabierna mainta, paso e dia ey e ta mester a regresa su pais.
E problema tabata cu, e tabata tur sushi y su pañanan den su maleta tabata muha y tabata saca un hole hopi desagradabel. Varios pasahero a cuminsa keha y puntra cu si e homber ey tambe mester bay den avion cu nan.
E Capitan di e aerolinea ora a wordo poni na altura di e caso aki y na su turno mesora a nenga e homber pa subi su avion.
Polis mester a cay aden, Transportwagen a yega aeropuerto y a duna e turista Mericano un lift pa warda.
Nos polisnan local di bon curason
Pero e viaha aki nos polisnan di bon curason a dun’e turista un man, nan a yud’e cu paña limpi pa asina e por a viaha pa su pais cu ta Estados Unidos bek.