Home Uncategorized HOT ta presenta encuesta pa nos hobennan te cu 35 aña

HOT ta presenta encuesta pa nos hobennan te cu 35 aña

SHARE

E hala hubenil di partido MEP ta sigui activo den e ultimo dianan di campaña, desde e instalacion di HOT den luna di Januari ultimo. E grupo di hobennan a presenta diferente proyecto y programanan educativo riba social media pa informa e hobennan, first time voters y millennials pa kende nan mester vota den eleccion venidero. Hobennan di HOT ta activo tambe den campaña hunto cu nan candidatonan pa siña conoce e cultura di campaña di nos isla.

Den e ultimo siman di campaña hobennan por busca nan HOT t-shirt nobo na oficina di HOT Zone na Cede di MEP na Santa Cruz. Esnan cu kier forma parti di e grupo di HOT por aplica sea online riba nos facebook page HOT-MEP of pasa personalmente y ta wordo activa den un team di candidato pa campaña 2017.

Actualmente HOT tin un encuesta riba social media pa por haya mas informacion di e interes di e hobennan den politica. Por subi e page di hot-mep y participa den e encuesta. Ta di sumo importancia pa nos haya mas participante pa nos tin un mihor bista kico nos hobennan ta pensa pa cu e ultimo simannan di campaña 2017.

E link di e survey ta:  https://www.surveymonkey.com/r/STRJ8FC