Home » Accidente fatal pabou di House of cake na Savaneta, Toyota Yaris a bay bolter den cura di un cas

Accidente fatal pabou di House of cake na Savaneta, Toyota Yaris a bay bolter den cura di un cas

by sxm
0 comment 113 views

Savaneta – Diasabra algo pasa di 4′ or di marduga, habitantenan di un cas ta wordo lanta for di soño door di un zonido hopi fuerte, na momento cu nan a lanta wak nan ta topa cu un auto gebolter den nan cura di cas y e yerba den nan cura na candela, mesora nan a dicidi di bati alarma.

Mesora ta manda varios unidad di polis, ambulance, y materiaalwagen di brandweer na e sitio.

Na yegada nan ta bin topa cu un persona cu no tabata duna señal di bida y un otro cu tabata seriamente herida.

Ambos persona ta hende homber, nan tabata den un Toyota Yaris estilo bieu y pa un motibo of otro lo a perde control y a bolter bay cay den e cura di e cas cu ta Savaneta 314.

Polis na e sitio mesora a cera full e area y a pidi pa autoridadnan concerni y pa un dokter pa constata morto.

Despues cu personal di ambulance a atende e herido a transporte cu hopi urgencia pa hospital, informacion cu nos ta dispone di dje ta cu e ta stabiel pero lo no ta corda mucho cos di kiko a pasa.

Personal di brandweer na e sitio a cuminsa cu e trabounan necesario pa saca e curpa sin bida for di den e auto.

Dokter cu tin piket a constata morto, e identidad di e victima no ta conoci ainda. Manera cu nos haya oficial for di Vocero policial nos lo suministra esaki. E curpa lo wordo tuma den beslag pa mas investigacion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio