Home Uncategorized Jacky van Putten, POR Maneho di deporte tabata AO

Jacky van Putten, POR Maneho di deporte tabata AO

SHARE

E problema cardinal di maneho di deporte ta cu simplemente no tabatin maneho di deporte e ultimo 8 añanan.  Por tuma nota cu gobierno ultimamente kier trek esaki straight door di regala facilidadnan deportivo na FCCA y diferente clubnan deportivo. Minister President cu su team di coordinadornan kier net prome cu eleccion percura cu barionan tin facilidad pa muchanan hunga den un ambiente sigur, Mp ta reconoce e importancia di esaki awo. Pero pa e ultimo 8 añanan  practicamente ignora tur e facilidadnan deportivo cu pueblo pa medio di Lotto a inverti miyonnan den nan. Anto mi ta puntra unda e maneho di deporte a keda, pakico a elimina esaki for di barionan??? Cu e cambio di funcion di IDEFRE a incorpora salud pa medio di bus di salud y programanan di scol di salud etc…… A haci estudionan riba e bus pa determina cu nos poblacion ta obeso, diabetico y cu problema di curason y respiration.  Un estudio cu ya tabata conoci pasobra e ex-minister di deporte a haci su tesis doctoral cu esaki. A bin cu un “Vision Innotaivo” y a elimina deporte den bario, algun programa escolar, preparacion profesional y material pa instancianan.  E problema di obesidad ta cuminsa net den e hobennan aki, net den scolnan y barionan. Ta importante pa educanan y conscientisanan di nan alimentacion y habito pero no por lubida cu nan mester di deporte y movecion. Ta di lamenta cu e “Vision Innovativo” no a desaroya den e barionan.  Pa añanan mi tabatin e oportunidad pa organisa programanan den bario y despues di scol na unda un cantidad grandi di hobennan tabata tuma parti y asina kitanan for di caya y disiplinanan den un deporte of movecion general. Esaki mi lo kier mira bek. Mi lo kier desaroya di nobo e programanan aki uzando nos mesun profesionalnan cu a bin ta preparando nan mes aki na Aruba y otro partinan, manera Hulanda. Deporte mester ta accesibel pa tur hende no importa nan situacion financiero of nan status social.  Gobierno su tarea den esaki mester ta primordial. Mester inverti den manehonan, nos personal y instructornan cu lo atende den e barionan trai merdia. Un maneho integral na unda ta promove y envolvi tur nos hubentud tanto den e facilidadnan cu tin y esnan cu lo bin. Mester percura cu tin fondo pa drechanan y haci nan funcional. Salud no ta estudionan y colecta data mientras nos sa kico e solucion ta. Drentando nos barionan bek cu deporte y movecion lo motiva nos hobennan pa scohe e bon caminda. Lo alivia e mayornan mirando cu deporte ta accesible pa nan yiunan y lo kitanan for di caya. Mi compromiso ta kita maneho di deporte for di AO y hacie funcional atrobe. Mi tata semper a bisami e pio cartera pa scohe den politica ta deporte, e no ta genera voto, pero e miho satisfaccion si ta e felicidad di nos hobennan ora bo mira nan logra den nan bida loke bo kier mira den nan! Pa mi deporte ta un bida y no un campaña politico, no un “mira kico mi ta dunabo”. Deporte ta un sanacion di un comunidad, e ta e ader di salud. Pesey mi compromiso ta e maneho transparente den deporte na unda tur ciudadano, grandi y chikito lo wordo brinda e mesun oportunidad di practica nan deporte den nan bario y facilidadnan adecua na un costo pagabel y percura pa guia profesional pa tur.