Home Uncategorized Playboy miyonario, chercha y ta wordo hari y ridiculisa riba medianan social

Playboy miyonario, chercha y ta wordo hari y ridiculisa riba medianan social

SHARE

Roma, Italia: E playboy italiano, Gianluca Vacchi,  kende ta un miyonario cu no mester traha y cu ta biba ta disfruta di vacacionnan caro y semper den compania di damanan di mas bunita, su berdad a mira lus di dia.

 

E playboy italiano di 50 aña, tabata semper bluf riba medianan social pa asina henter mundo haya sa unda e ta y cu cua beyesa mundial e tabata disfrutando di un vacacion. E biaha aki e interes tabata mas grandi cu normal, paso mas di 11 miyon di hende rond mundo tabata siguiendo Gianluca via Instagram, sigur na momento cu Gianluca a conquista curason di e Ex Miss Colombia Ariadna Gutierrez.

Semper Gianluca tabata hari y bluf cu su placa y cu e beyesanan cu tabata hacie compania, pero e biaha aki ela faya, e semper tabata pretende di ta un playboy miyonario felis, pero e biaha aki un berdad di dje a sali na cla.

Un di e companianan di e famia cual e ta e heredero, tabata tin un debe habri di mas di 10 miyon Euro y e esnan cu e compania tabata debe, tabata buskando mas informacion pa asina por exigi pa e debe wordo paga.

Riba un di e potretnan riba medianan Social, e debedornan a mira un di e tattoonan di Gianluca cu tabata tin e nomber di e compania y asina  nan a haya sa ken debe nan y cu ta trata di nada mas y nada menos di e famoso playboy Gianluca Vacchi, kende ta pasa bluf riba medianan social con rico e ta y ki dushi bida e tin. E debedornan mesora a pone beslag riba su Mansion y su Yate.

Actualmente ta circula varios potret di Gianluca bailando, riba Facebook a habri un pagina ” Buscando trabou pa GianLuca Vacchi”

Segun Gianluca Vacchi, e ta keda haya tur aña 5 miyon di e compania di famia y cu e debe aki muy pronto lo keda paga.