Home Uncategorized Post Aruba N.V. a celebra 10 aña di servicio di Eugene Kock

Post Aruba N.V. a celebra 10 aña di servicio di Eugene Kock

SHARE

ORANJESTAD, Aruba: Eugene Kock ta un empleado ehemplar cu ta celebrando 10 aña di servicio na Post Aruba N.V.. El a cuminsa traha dia 1 di Augustus 2007 y semper a traha como besteller.

 

Eugene Kock ta un persona hopi organisa y cu por depende riba dje. E ta percura pa cumpli cu su trabao. E ta un trahado cu sa duna ehempel na esnan mas jong, serio y semper dispuesto pa yuda. Post Aruba N.V. ta felicita Eugene Kock pa su dedicacion durante e 10 añanan aki, den espera di por celebra hopi aña mas.

 

A funda e compania priva Post Aruba N.V. na aña 2005. Su oficina principal ta situa na J.E. Irausquin Plein # 9 na Oranjestad y tin 2 oficina adicional na Santa Cruz y San Nicolas. Ey ta ofrece tur tipo di servicio, for di manda un envelop, te na carga pisa. Post Aruba N.V. ta conta cu 111 empleado, cu diariamente ta yega na 42 mil adres situa tur rond di nos isla. Mas cu djis un servicio, e empleadonan atento ta percura pa tanto comunidad como sector comercial por comunica cu otro.

Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba N.V.  y Aruba Stamps.