Home » Mike Eman: “Ban uni cu nos diadomingo awo na Noord”

Mike Eman: “Ban uni cu nos diadomingo awo na Noord”

by sxm
0 comment 53 views

ORANJESTAD – “Uni cu nos diadomingo awor”, esey ta e invitacion cu lider di AVP Mike Eman a haci e siman aki mientras e tabata cana den diferente zona di e districto di Noord. “Ban celebra e ekipo nobo di AVP cu a haci e compromiso pa garantisa continuidad di progreso y pa atende e temanan nobo di futuro di nos pais,” e lider politico a bisa. Entre e temanan ey, ta referi na seguridad, cuido medico, cuido di nos grandinan, cuido di nos chikitonan enseñansa, tur esencial pa futuro di pais Aruba.

E mensahe ta uno cu e ciudadanonan di Noord, un di e districtonan di mas grandi di nos isla, ta comparti. “E gobierno aki a traha hopi bon, hopi bon el a traha. El a haci hopi cos pa Aruba,” un señora di Palm Beach a declara, mientras cu un par di cas mas leu, otro ciudadano ta bisa: “Ami di berdad berdad ta wak cu AVP ta traha y traha pa e pueblo y mi ta kere cu nos mester ta contento cu e trabou cu nan ta haciendo.”

E opinion entre Arubianonan nobo ta similar, manera otro señora a expresa: “No ta pa un partido politico, pero e ta pa e pueblo; esaki ta loke pueblo tabata merece. Mi tin mas di 25 aña ta biba aki y nunca mi a wak un cambio asina grandi y asina bunita.” Mescos cu Gabinete Mike Eman I y II a carga e pais aki di 2009 pa 2013 pa 2017 cu cambionan; mescos di 2017 pa 2021 e progreso lo continua, segun lider di AVP. “E Arubiano y esnan cu a inicia nan bida nobo na Aruba, tur ta cay den e vision di nos pa crea un miho oportunidad pa nan.”

E 5K Walk ‘Padilanti cu Team AVP’ ta tuma luga diadomingo awo for di 5’or di atardi saliendo di MFA Noord. Participacion ta gratis, djis bisti bo t-shirt berde y compaña e partido completo of bo candidato faborito. Pa mas informacion, wak e pagina di Facebook di AVP.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio