Home Uncategorized Jareza Jacobs ta un empleado leal pa 10 aña na Post Aruba...

Jareza Jacobs ta un empleado leal pa 10 aña na Post Aruba N.V.

SHARE

ORANJESTAD, Aruba: Post Aruba N.V. ta reconoce e añanan di servicio leal di Jareza Jacobs kende a cuminsa traha riba un 6 di augustus 2007, 10 aña pasa. El a cuminsa como loket medewekster y awo tin e funcion di Human Resources Assistant.

 

Jareza Jacobs ta un persona cu ta traha duro y corecto, cu caracter suave y trankilo. E tin hopi bon manera pa calma hende. Semper e t’ey pa scucha y duna conseho na esnan cu mester di esaki.

Durante e añanan aki a constata cu e tin un bon curason y e ta semper pendiente di tur trahado. Ademas di ta agradabel pa traha cun’e, Jareza Jacobs ta hopi amigabel.

Post Aruba N.V. ta expresa palabranan di pabien na Jareza Jacobs, kende pa basta aña a sa di traha di un manera leal y hopi dedica. Pabien y hopi exito den bo retonan pa futuro.

 

A funda e compania priva Post Aruba N.V. na aña 2005. Su oficina principal ta situa na J.E. Irausquin Plein # 9 na Oranjestad y tin 2 oficina adicional na Santa Cruz y San Nicolas. Ey ta ofrece tur tipo di servicio, for di manda un envelop, te na carga pisa. Post Aruba N.V. ta conta cu 111 empleado, cu diariamente ta yega na 42 mil adres situa tur rond di nos isla. Mas cu djis un servicio, e empleadonan atento ta percura pa tanto comunidad como sector comercial por comunica cu otro.

Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba N.V. y Aruba Stamps.