Home Uncategorized Jacky van Putten, POR Mi compromiso mamanan soltero, nos grandinan y deporte...

Jacky van Putten, POR Mi compromiso mamanan soltero, nos grandinan y deporte pa tur

SHARE
????????????????????????????????????

Ya ta confirma caba den corto tempo cu POR lo ta e alternativa, e cambio cu pueblo kier mira, logrando nos cantidad di firma den un tempo record di 6 ora. Un ekipo cu a demostra di tin e capacidad, e candidatonan y e programa cu pueblo kier mira. E cambio awe ta real, pasobra POR oficialmente ta bay urna electoral dia 22 di september proximo pa prome biaha y lo marca historia. Como candidato riba e plataforma nobo aki mi ta sintimi orguyoso di por  brinda mi expertisio den ramo di deporte pa asina trece bek e deporte cu pa ultimo añanan a wordo totalmente neglisha. Mi compromiso ta esaki, cu apoyo di boso mi lo por logra e cambio.

Den e 7 lunanan cu mi tin, desde cu POR a wordo funda mi a bin ta scuchando y formando mi contribucion pa cu nos comunidad. E dolor ta grandi eyfo, specialmente den nos grandinan, mamanan soltero y nos hubentud. Mi compromiso ta netamente cu e gruponan aki. Mester provee mas facilidadnan pa nos hendenan di edad por move y haya nan salud. Mester pone tur energia den alivia y mehora e posicion di nos mamanan soltero. Mester brindanan e oportunidad pa por prepara nan mes y tin e recursonan cu nan yiunan por crece den un ambiente sano y proteha di e influencianan malo cu ta afecta nos sociedad. Pesey deporte mester bira un parti integral importante pa e proximo gobierno cu nos lo bay forma parti di dje. No tin tempo pa perde, nos mester di imediato tackle e gruponan aki pa asina nos por sanea nos sociedad y crea un animo di speransa den nos mamanan soltero y proteha nos hubentud di e ala di criminalidad cu ta suta nos isla. POR ta cla pa e reto aki, ami ta cla pa asumi mi responsibilidad duna na mi door di e votadornan. Bo kier mira e diferencia? , bo kier mira bo yiunan eherce deporte den nan bario cu guia profesional/ bo kier mira bo mayornan, nos hende grandi nan move den un ambiente sano y na unda nan calidad di bida ta mehora? Bo kier mira nos scolnan, nos centronan di bario, nos hubentud sali pa dilanti? Anto POR ta bo solucion y mi persona den mi calidad di maneho di deporte pa e ultimo 34 aña ta compromete mi mes cu e reto aki.