Home Uncategorized MEP ORGUYOSO DI SU LISTA Y ORGUYOSO DI SU LIDER

MEP ORGUYOSO DI SU LISTA Y ORGUYOSO DI SU LIDER

SHARE
Entrega di lista diabierna ultimo tabata un momento crucial pa partido MEP y pa lider di partido MEP. Pasobra atraves di e lista un partido por logra conbense esnan cu ainda no a dicidi pa ken pa vota, cu e lista ta e laternativa.
 
Y den esaki lider di MEP Evelyn Wever-Croes tabata sumamente exitoso. El’a sa di prepara un lista cu un vision pa futuro. No solamente pa e eleccion aki, sino tambe pa e sigiente generacionnan.
E decision di pone 12 cara nobo riba lista ta uno grandi, y importante. Especialmente dunando 4 cara nobo oprtunidad den e Top 10, di cual dos ta completamente nobo den politica. Esaki ta un señal cu MEP ta prepara pa e gobernacion di 2017-2021, y pa despues.
 
Tambe e cantidad record di 10 hende muher ta figura riba e lista. Esaki tambe ta un factor importante pa tene cuenta cun’e. MEP no ta djis bisa cu hende muher mester haya mas oportunidad, sino ta demostra esaki tambe. Contrario na demas partidonan cu no a duna ningun hende muher e posicion clave di numbernan un y dos parew.
 
E combinacion di caranan nobo den politica y esnan cu mas experiencia, realmente ta hasi cu e lista di MEP ta e UNICO alternativa pa eleccion 2017. Ta pesey mes tabata tin asina tanto interes den e lista geel. 
Partido MEP ta sumamente orguyoso di su lider Evelyn Wever-Croes pa e logro grandi aki. Indudablemente e no tabata facil, sinembargo Evelyn Wever-Croes a demostra liderasgo y vision. Evelyn a tuma decisionnan cu otronan por considera di riesgo, pero tur pa logra e mihor lista pa eleccion 2017. Y por a nota e entusiasmo grandi cu tin den partido MEP y su simpatisantenan pa cu e lista aki. Simpatisantenan di partido MEP a reconose e balentia y curashi di nan lider, y e popularidad di Evelyn a aumenta aun mas.
 
Ya caba despues di cada debate tabata obvio cu Evelyn ta e mihor lider politica actualmente prepara pa goberna nos pais, pero cu e lista cu el’a sa di presenta diabierna ultimo, Evelyn a confirma esaki. Ta hopi a cambia di opinion y awor a duna di conose cu lo deposita nan voto pa Evelyn. Danki Lider!