189
Brazil, San Nicolas: Diadomingo algo prome cu 1’or di marduga, ta presenta na Warda di polis na San Nicolas, un homber cu ta pidi asistencia di polis pa un ruman cu tin problema mental y cu tabata de remate, tambe ela declara na polis cu su ruman enfermo mental, a menasa su otro ruman cu machete y cu afortunadamente su mama a logra kita e machete for di dje.
E homber a pidi polis si nan por compañe bay na cas di su mama pa buska e ruman homber cu problema mental hibe PAAZ. Dos agentenan policial a bay cu e homber na e cas di su mama na Brazil.
Na yegada e agentenan a papia cu e ruman y a nota cu enberdad e tabata deremate y e homber a splica e ruman cu e polisnan a bin buske pa hibe PAAZ. Esaki a pone cu ela bira agresivo contra e polisnan tambe y a cuminsa insulta e agentenan. Ela coi un pida hero den su man y a cuminsa ta zwaai e den direccion di e patruya. E agenantan na varios ocasion a pidi’e pa benta e pidi hero abou, pero e no tabata rasona. Mirando cu e no tabata respeta ordo di polis, no a keda e polisnan nada otro di na un forma tactico bente riba vloer y boei’e.
Asina nan a logra hib’e HOspital, caminda su ruman a keda cune wardando riba un dokter.