Home Uncategorized Partido AVP tin e lista perfecto den e amplio sentido di palabra...

Partido AVP tin e lista perfecto den e amplio sentido di palabra Pueblo a responde masal y partido a planta respet den cayanan di Oranjestad

SHARE
 

ORANJESTAD- Partido AVP awe a entrega su lista triunfante di candidato pa eleccion 2017. Den e sentido mas amplio di palabra e lista aki ta esun mas completo cu tin. A pensa riba cada aspecto cu ta regarda nos isla, nos sociedad, nos hendenan y nan calidad di bida. A cubri delaster un topico. Esaki a sosode den forma meticuloso, teniendo cuenta con acomoda e ciudadano lo miho posibel. Mike Eman ta un asina yama lider ‘born leader’ cu a maneha su ekipo excelentemente. Cu partido AVP ainda ta esun di mas grandi apesar di ta den gobierno ya pa 8 aña ta muestra palpabel di e don grandi aki cu e lider aki ta posee. Poco por para den su sombra.

Millennial Gerlien Croes a mustra desde un prome instante su potencial. Su estudio academico y su experiencia adkeri e ta usa pa yuda su isla stima y su hendenan bay dilanti. Hunto cu Sandra Brown, un trahado social kende sa e ‘ins and outs’ riba tereno social, ta match e duo perfecto. Candidato Robert Candelaria tey pa percura pa e comunidad ta sinti su mes sigur. Un persona cu un background intachabel cu sin duda algun por cumpli cu e tarea su dilanti. Banda di personanan experto riba tereno di husticia manera Edu Vos, Arthur Dowers y Clarisca Velasquez, tur cu amplio conocimento riba tereno di husticia, nan ta para firme pa un Aruba sigur unda husticia ta prevalece. Melvin Tromp a traha hopi aña den sector di seguridad dunando su aporte na e tema aki.

Otro millennials Clayton Croes, Carlos Bermudez, Maurits Malmberg ta hobennan bon studia y bon prepara pa por guia e partido den e siguiente etapa di su existencia. Sigur cu un candidato fuerte, inteligente y solido banda di nan manera Richard Arends cu tin tur e ingredientenan necesario pa un dia tuma liderazgo di e partido over. Innovador riba tereno di arte, canto y arte audiovisual Michael Lampe hunto cu hoben entrepreneur Marksonn Maduro ta e match perfecto pa loke ta innovacion na Aruba. Hoben, dinamico y cu gana di yuda e hubentud excela riba tereno di arte, innovacion y entrepreneurship, nan ideanan ta hayando acogida grandi cerca e hobennan. 

E defensora incansabel di derechonan igual Desiree de Sousa-Croes hunto cu Mervin Wyatt-Ras y Chris Dammers ta para duro pa tur hende tin e mesun derecho riba tur tereno. Nan a para fuerte ora mester a defende e causa di igualdad. Nan compromiso ta cu bo, pueblo di Aruba. Nan tey pa yuda esnan vulnerabel den comunidad. Nan principionan nunca ta tambalea.

Pa loke ta enseñansa partido AVP ta masha bon mes representa cu educadornan cu habilidad riba lista den persona di Marlon Sneek, Lorna Varlack, Norman Roos y Jeffrey Kelly. Rene Herde ta otro cu ta para pa igualdad y ta experto riba tereno di enseñansa kende semper tey cu su consehonan valioso y al caso. Banda di ta educadora Jennifer Arends-Reyes den Parlamento a traha duro riba tereno di Turismo. El a guia cu fervor e reunionnan cu ta atende cu turismo. Mescos ta e caso unda cuido medico y cuido y guia di nos grandinan ta bon representa den personanan califica manera Alex Schwengle y Richard Visser. Nan tin tremendo plannan pa sigui desaroya cuido medico na Aruba den optima forma. Deporte ta den bon man cerca e dos personanan aki cu a haya sosten incondicional di e dinamico deportista Giovanni Arends, un ehempel pa hubentud.

Den Donny Rasmijn Aruba tin un defensor di medio ambiente. E ta traha den cooperacion estrecho cu e otronan riba lista pa logra su metanan riba e tereno aki.

Mike de Meza y Benny Sevinger ta candidatonan cu enorme experiencia riba tereno di energia di infrastructura y di inmigracion. Nan ta expertonan cu ya no mester di introduccion. Nan triunfonan ta testigo di nan trabou y cumplimento. Banda di tur esaki e candidatonan cada un ta profesionalnan bon prepara cu por enfrenta cualkier reto. Partido AVP a bin cu un lista bon pensa y bon den balansa. Berd’e Ta!!