Home Uncategorized Kia Rio horta na San Nicolas haya na Dakota

Kia Rio horta na San Nicolas haya na Dakota

SHARE

Milonstraat – Diasabra merdia algo prome cu 1’or polis ta wordo manda altura di Misa La Birgen di Fatima na Dakota.
Pazuid di e Misa, den Milonstraat un mecanico a kere cu un persona lo a laga un auto pa e drecha.

Ora ela bay puntra algun familiar y tambe bisiñanan, cu si nan sa di ken por a laga e auto pa e drecha niun hende sa di nada.
Despues di inspecciona e auto ta bin wak cu e glas patras ta completamente kibra.

Polis ta controlando paden di e auto, via e bentana cu a wordo kibra.

Mes ora a notifica polis. Na yegada di polis nan ta haya informacion, cu esey ta e auto cu a wordo horta na Briezenstraat San Nicolas.
Agentenan a pidi pa takelwagen pa bay cu e auto pa mas investigacion.

“Algun tips pa trata na evita cu nan lo por horta bo auto, cera bo auto bon semper, pone den luz, si por instala alarma. Si situacuon financiero ta permiti, pone un sistema di Gps den e vehiculo, pa asina bo nota cu ela wordo horta, bo por trace/track e y haye prome nan desmantele, kime, of comete un crimen cune”.