Home » Trahando 25 aña cu Hospi Bondi Camp Nora Eckmeyer kier sigui cu e camp pa hopi aña mas

Trahando 25 aña cu Hospi Bondi Camp Nora Eckmeyer kier sigui cu e camp pa hopi aña mas

by sxm
0 comment 63 views

ORANJESTAD, Aruba: Nora Eckmeyer ta un di e motornan tras di e comienso di Hospi Bondi Camp y e tin un trayectorio di 25 aña cu nan. Haciendo e camp ta uno masha dushi mes, unda tin diferente preparacion prome cu camp, hopi trabou durante e camp y tambe despues di e camp. Tur aña ta mira hopi di e muchanan bek, di cual tin ta bin y otro ta bay, pero Nora Eckmeyer semper a keda y a experiencia nan tur y ta haya e Camp dushi pa haci.

ABV ta e sindicato di trahadornan di Hospital y antes nan tabatin un comision di actividad. Miembro di e comision aki, sra. Grace Bareño a bin cu e idea pa Hospital tin su propio camp. Nan a acerca Stella Toppenberg, Nora Eckmeyer, Ludwina Boekhoudt, Benita Faro, Joan Danies y Sonia Ridderstaat (dfm) puntrando si nan kier a lanta Hospi Bondi Camp. Durante e 25 aña di Hospi Bondi, Nora Eckmeyer a haci diferente actividad y a conoce hopi mucha y e ta kere cu sigur e por sigui participa pa algun aña, sin ningun duda.

E meta ora cu a lanta e Hospi Bondi Camp tabata pa entretene e yiunan di trahadornan durante vakantie. Antes tabatin mayornan cu tabata ‘meld ziek’ of no tabata presenta na trabou pa asina keda cu nan yiu cas. P’esey a bin cu e camp y e mayornan por a trece e muchanan eynan pa asina por a bay traha trankil na Hospital y despues por a pasa busca nan bek atardi sin perde dianan di vakantie y e mucha por a gosa di un tremendo dia pafo di cas.

Nora Eckmeyer a keda miembro di e camp pa 25 aña pasobra e ta gusta e camp y tur aña a topa cu e muchanan bek. Awo Nora Eckmeyer su yiu muhe a tuma over Hospi Bondi Camp y e ta contento pasobra nan ta traha hunto di cerca. Nora Eckmeyer ta corda cu tempo e tabata lider, su yiu Noralfa mester a scucha di dje, pero awo cu Noralfa ta e president di e comision ta Nora mes mester scucha di su yiu durante di e camp.

Noralfa Eckmeyer tabata un participante di e camp prome y awe e mes ta organisa e Hospi Bondi camp. Su experiencia como participante den e camp tabata desde su 4 aña, despues bira un lider hoben pa despues cuminsa yuda e comision y algun aña pasa el a tuma over despues cu sra. Stella Toppenberg a retira. Esaki ta pone cu e tin 25 aña participando cu Hospi Bondi Camp caba.

Door di su experiencia cu e Camp Noralfa ta hopi contento di tin su mama band’i dje. “E ta mi man drechi, e ta yuda mi cu tur cos. Mi ta contento con e ta traha”, el a expresa contento. Tur lider di Hospi Bondi ta contento cu su mama ta banda di nan y ta spera cu e ta keda cu nan pa hopi tempo mas.

Riba e dia di clausura e aña aki a dedica un momento special na Nora y a gradici’e pa su dedicacion y guia na muchanan di Hospi Bondi Camp. Awe danki na Nora su dedicacion, pasenshi, amor y perseverancia muchanan di Hospital por mira bek y tin bunita recuerdo di nan infancia durante vakantie grandi. Gratitud ta inmenso di parti di tur empleado di Hospital.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio