Home Uncategorized Ofertanan pa Back 2 School mañan den Caya Grandi Cumpra y gana...

Ofertanan pa Back 2 School mañan den Caya Grandi Cumpra y gana 250 Florin cu Aruba Bank

SHARE

ORANJESTAD – Diasabra awo 5 di augustus ta e dia cu Caya Grandi ta pone su miho ofertanan pa mayor y studiantenan probecha como preparacion pa Back 2 School. For di 10’or di mainta e ambiente ta cuminsa y ta spera tur hende pa bin probecha di e prijsnan fabuloso. Fuera di esey, pasa na parkeerplaats caminda tabata La Linda den Caya pa asina bo mira kico e participantenan di Good 4 The Neighbourhood di Aruba Bank a prepara como ideanan di negoshi.

Publico por mira y tambe cumpra e producto innovativo cu e hobennan a crea. Na ocasion di e gran final di e competencia, Aruba Bank ta premia tur esnan cu bishita Caya Grandi diasabra pa haci nan compras di Back 2 School. Cu cada compra di minimo 35 Florin, bo ta haya un coupon cu mester trece na e parkeerplaats di La Linda pa deposita den un tombola. E sorteo lo tuma luga pa 4’or di atardi ora cu saca un ganador di certificado di 250 Florin pa gasta na e tienda den Caya Grandi cu su preferencia.

Gelatissimo y Cosecha tambe a duna di conoce cu nan ta participando cu e actividad di diasabra y asina ta uni na e grupo ya forma pa: Penha, Mediq Aruba, Mango, Amito, Seasons & More, Burger King, Hot Look Aruba, Totto, The Athlete’s Foot, De Wit Pop up Store, Paleis Oriental, Polo, Kairos Boutique, Dufry, Aldo, Adams House for Men, Wulfsen & Wulfsen, Aruba Aloe, The Saint, Style & Colors, Loft Boutique, Sport Caribe, Runway Boutique y Maggys.