Home » Chauffeur bou influencia ta perde control, dal contra un mata di Kwihi cu su auto y un duct di beton, ela keda deteni

Chauffeur bou influencia ta perde control, dal contra un mata di Kwihi cu su auto y un duct di beton, ela keda deteni

by sxm
0 comment 66 views

Palm Beach: Diamars den oranan di marduga, polis ta wordo informa cu algun persona den e area di Wendy’s na Palm Beach lo a tende un zonido fuerte parecido na un impacto di auto, mesora polis a wordo avisa y varios patruya a wordo dirigi na e sitio.

Na yegada nan a cuminsa controla den e area y un poco mas pazuid nan a bin topa cu un auto Hyundai Tiburon berde cu hopi daño material, pero e chauffeur a bandona e sitio caba.  Aparentemente e chauffeur di e auto aki tabata manehando cu velocidad hopi halto bayendo direccion noord y a perde control baha caminda na su man robes y a dal contra un mata di kwihi despues a bay dal na e duct di beton di e rooi.

Na e mesun momento polis a descubri e auto, ta drenta un informacion, cu e trahadornan di Wendys ta precupa y no ta durf sali paso tin hendenan sospechoso para eyfo. Mesora polis a bay naWendy’s y a bin topa cu un cabayero para ey banda. Polis a nota cu e cabayero aki no tabata tin slof bisti y alaves a bin corda cu den e auto kibra ela mira un par di slof. Ora polis a acerca e cabayero ela cuminsa bira nervioso y polis a puntre si e tabata e chauffeur di e auto berde y despues di a purba gaña polis varios biaha ela bin admiti cu e tabata e chauffeur tras di stuur, riba dje e tabata bou influencia. 

Polis mesora a detende e cabayero, pa core auto bou influencia, causa e accidente y pa bay for di e sitio.

  

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio