Home Uncategorized Abdiel Illidge candidato nobo di POR: BIENESTAR DI FAMIANAN Y DI ESNAN...

Abdiel Illidge candidato nobo di POR: BIENESTAR DI FAMIANAN Y DI ESNAN MAS VULNERABEL DEN NOS SOCIEDAD MESTER POR!

SHARE

POR, E Forsa Nobo kier sera bo conoci cu su candidato nobo, Abdiel Illidge. Abdiel a nace na Santo Domingo na 1984 y ta biba na Aruba desde cu e tin 6 aña. Akinan ela bay scol na Colegio Hilario Angela na San Nicolas, pa despues bay EPB p’ariba. Abdiel awo tin 5 aña trahando pa e cadena hotelero RIU na Aruba y Republica Dominicana. Su decision pa drenta den politica ta basa riba su conviccion cu famia mester bin bek na prome luga.  Hopi di e problemanan cu actualmente ta azotando nos comunidad ta pasobra no tin vision riba tereno familiar. Abdiel ta haya cu politica a laga famia na ultimo luga. Su enfoke ta pa bira un vos pa e Iglesianan Cristian di Aruba, treciendo unidad pa e pueblo Cristian por crece aportando más ajudo pa sociedad i comunidad. Abdiel Tin e propósito di atende e necesidad di e Iglesianan Cristian i també duna follow up na e lidernan cu mester di Consejo.

 

Mester bin un maneho amplia cu ta enfoca riba bienestar di famianan pero tambe di esnan vulnerabel den nos sociedad. Abdiel ta señala cu mester bin mas atencion riba salud mental y un cuido efectivo pa esnan cu a haya nan mes ta lucha cu e problematica aki. Falta psicologo y counselers. Falta tambe educacion familiar como opcion pa counseling. Por pensa por ehempel riba marital mentorship, counseling na scol y coaching pa famianan cu anciano.

 

Abdiel tambe ta indica cu Aruba ta schaars riba recurso pa nos muchanan special. Como tata di un mucha autista e sa cu tin hopi institucion na Aruba cu tin e amor pa traha, pero ta carece recurso pa por ehempel evalua muchanan manera su yiu. Aki na Aruba no tin school cu tin e punto di salida di educa muchanan special a base di nan talento. Muchanan special tin derecho riba un bida digno. Enbes di keda sera paden y sin oportunidadnan di desaroyo, nan mester haya por ehempel e recursonan pa bay afo pa asina aumenta nan calidad di bida. Hopi crucial tambe ta e necesidad di mas infrastructura pa personan cu un handicap. Areanan publico manera bañonan, pero tambe trottoirnan riba caya mester ta accesibel pa nos muchanan special y personanan cu un handicap. Pueblo di Aruba mester bira mas consciente cu personanan cu un handicap ta igual y cu nan tin mesun derecho riba un bida digno y feliz cu tur otro persona aki riba nos isla.

 

Por ultimo, Abdiel Illidge kier mira un berdadero plan di integracion y unidad cultural pa imigrantenan. Na final di dia e meta mester ta pa nan haya participacion mas digno den nos comunidad, anto idealmente den liña cu Aruba su norma y balornan. Pa por logra esaki mester bin un maneho den cual muchanan stranhero ta haya garantia riba e mesun oportunidadnan cu muchanan yiu di tera. Stranheronan adulto tambe, hayando oportunidadnan pa educacion specialmente traha pa nan.

 

Nos muchanan special, nos hendenan cu un handicap y nos bisiñanan cu a bin Aruba pa contribiu y bay dilanti. Abdiel Illidge tin nan na pecho. Cune den filanan di E Forsa Nobo, Aruba sigur POR!