Home Uncategorized Mr. drs. Richard Arends ta lansa su mes como candidato riba lista...

Mr. drs. Richard Arends ta lansa su mes como candidato riba lista di AVP

SHARE
Web

ORANJESTAD-  Actual vakminister di Asuntonan Economico y Comunicacion di Gabinete Mike Eman II mr. drs. Richard Arends, ta lansa su mes como candidato riba e lista berde. Prome cu e posicion di vakminister Arends tabata hefe di Gabinete di Minister Mike de Meza, Minister di Asuntonan Economico, Comunicacion, Energia y Medio Ambiente durante e periodo 2013-2016, como tambe Minister di Finanzas durante prome gabinete Mike Eman. Un di su rolnan mas importante tabata di consehero principal di Prome Minister Mike Eman di Aruba for di aña 2009. Richard a nace na Aruba, tin 37 aña, ta casa y ta tata di tres yiu. 

Arends tin un CV abrumador. Su inteligencia ta legendario, mescos cu su humildad y su amabilidad. Un profesional tremendamente bon studia, cu sa di kico e ta papia, cu un trayectoria largo y impresionante riba nivel acdemico y cu semper a keda e hende senciyo cu e ta. Cla pa scucha tur hende cu pasenshi y semper trankil.

Richard Arends a studia y na edad hoben di solamente 24 aña a haya su doctoraal den Administracion Publico, specialisa den gobernacion internacional na Universidad di Leiden. Ademas di esaki el a studia Ley y a obtene e titulo di Meester in de Rechten, specialisando su mes den Derecho Publico Internacional y Europeo. E estudio aki el a haci na Universidad di Amsterdam. 

Na su regreso di Hulanda Richard a traha den sector publico como acesor legal y consultant. Tambe el a contribui cu varios publicacion pa ‘Het Wetenschappelijk Instituut voor het CDA’ y a fungi como presidente di Fundacion Estudionan Social Cristian Aruba (FESCA), cu awe ta hiba e nomber ‘Fundacion dr. Mito Croes pa Estudionan Social Cristian. Richard a publica varios estudio y analises riba Economia di Aruba, Infrastructura, Energia y Desaroyo Urbano. 

Arends tabata Presidente di Hunta di Conseho di MOT, tambe Presidente di Hunta di Comisario di Compania Arubano di Petroleo (CAP) NV. El a lidera exitosamente e ekipo negociador di Aruba pa rehabilitacion di e refineria door di CITGO Peteoleum Corporation. 

Cu lansamento di sr. Arends riba lista berde partido AVP ta haya un candidato fuerte.