Cacho ta crusa dilanti auto y ta pone chauffeur perde control, ranka borchi grandi y palo di lus completo

Wayaca: Diahuebs den oranan di marduga polis y ambulance ta bay cu urgencia na e Spiraal rotonde dilanti airport, pa un auto cu lo a bolter

Na yegada nan a bin compronde cu e chauffeur tabata acercando e Spiraal rotonde, net na e momento ey un cacho a sali su dilanti, pa evita di dal e cacho, ela hala y a perde control, baha caminda, dal e borchinan grandi blauw di direccionnan, ranca un palo di lus completamente y a bay cay un poco mas pariba.

E chaufeur a sali ileso di e accidente aki, pero si tabata hopi spanta y pa colmo tabata riba e dia di su cumpleaños. E daño material si tabata hopi grandi y e auto a keda total loss.