Home Uncategorized Vandalismo cometi na varios bandera y borchi di partidonan politico

Vandalismo cometi na varios bandera y borchi di partidonan politico

SHARE
Jaburibari: Dialuna marduga, polis ta wordo manda cu urgencia na un adres den Caya Fransebloem, pa destruccionnan cometi na varios adres den Jaburibari.
 
Na yegada nan a papia cu un habitante di Caya Fransebloem, cu segun su persona un auto Toyota Yaris blanco tabata circula den e bario y na e casnan cu tabata tin bandera, nan a kibra tur e biganan cu tabata tin bandera na nan. Esaki a sosode den Caya Franse bloem y Caya Bembe. Un total di 11 bandera di e partido MEP a keda destrui.
 E patruya a buska den e area pero no a logra topa cu e auto Yaris blanco aki.  
 
Actualmente tin hopi kibramento di bandera y borchi politico, rond di Aruba nan ta cometiendo e tipo di destruccionnan aki. Na San nicolas tambe den weekend a kibra dos borchi di e partido POR. 
 
Polis ta na altura y e racha di vandalismo aki, cu sigur ta hayando mas y mas atencion di autoridad, cu aparentemente ya caba Cuerpo policial tin un team special pa atende cu e problemanan di e fanaticadonan di e partidonan politico, cu ta cometiendo vandalismo y cu ta buskando problema innecesariamente, paso elecion ta un temporada cortico y despues di 22 di September, nos tur mester sigui biba y traha hunto pa hiba nos isla padilanti.
Ban respeta opinion politico di cada un y tambe propiedad di cada un.