Home Uncategorized Dos homber lo a bay pa horta, pero polis ta logra gara...

Dos homber lo a bay pa horta, pero polis ta logra gara un di nan na San Barbola

SHARE

San Barbola – Dialuna pa diamars mey anochi polis a wordo notifica di un pick up dobbel cabina, a para dilanti un adres na San Barbola y dos homber a bay den e cura. Mes ora un patruya a bay caminda cu e incidente a tuma luga.

Na jegada polis ta wak cu ta trata di un tereno basta grandi y a pidi asistencia di mas patruya pa yuda busca y wak kiko e dos hombernan aki ta buscando.

Pafo berdad nan a haya e pick up color shinishi, cu e dos hombernan a yega cune.

Algun minuut paden buscando, nan a haya un di hombernan cu tawata tin un flanel color cora. E otro lo a reacciona of posiblemente ta mas lihe cu su compañero si a logra huy.

Polisnan a busca pa basta rato, pero mirando cu ta scur y un area grandi nan a stop y sali cu e homber deteni, wardando transport. Polis a haya tambe un machete, cu a wordo confisca.

Propietario di e luga of tereno a presenta y hunto cu polis a tira bista paden. 

Loke tawata straño ta lo siguiente.  Den saco di carson di e persona deteni, cu aparentemente lo por tin un poco limitacion mental, ta bin haya un jabi.
A bin resulta cu e jabi lo ta di doño di e tereno. Si ta corecto lo tawata jabi di un auto, cu e doño a perde algun tempo atras. Pues con e homber aki desconoci pa nan por tin e jabi aki ?

Transportwagen a yega y a transporte pa warda di polis. Takelwagen tambe a ser pidi pa hiba e auto warda pa haci mas investigacion.