Home Uncategorized Toyota ta desvia pa un impacto frontal, pero ta perde control y...

Toyota ta desvia pa un impacto frontal, pero ta perde control y basha cura di cas abou

SHARE

Hooiberg – Diadomingo atardi den careda di 6’or habitantenan di e cas aki a pasa den un susto grandi, momento cu nan a scucha un sonido manera un explosion.

Mes ora nan a sali bin wak kiko a pasa y ta haya un auto marca Toyota pega conta muraya di nan cas, causando dañonan grandi y por poco drenta un camber di e cas.

Un patruya pasando a wordo yama y nan a bira bek y asina ta avisa ambulance tambe, mirando cu tawata tin dos persona herida pero no di gravedad.

Segun e chauffeur e tawata bayendo direccion oost y a cuminsa pasa algun auto. Pero dado momento, tawata bin trafico contrario y esaki a pasa cu e chauffeur pa no dal frontal a desvia.
Den e maniobra ela perde control completo ariba e auto, caminda cu e ta bay na su man robes y dal basha parti di un cura abou y un tiki mas e lo a drenta un camber di e cas.

Paden un dama debi na e impacto lo a sinti su nek. Na yegada di ambulance e la controla e dama na e sitio mes. Loke ta e chauffeur si a wordo hiba pa hospitaal pa mas control, debi na e impacto fuerte. E chauffeur lo a keda di paga pa tur gasto.