Home Uncategorized E famoso actor John Heard ta fayece na edad di 71 anja

E famoso actor John Heard ta fayece na edad di 71 anja

SHARE

Palo Alto, California:Diabierna anochi, John Heard a wordo haya sin bida den un hotel na Palo Alto, California, esaki a keda oficialmente conoci despues cu a sali un relato di prensa cu a keda publica pa e oficina di Forense di Santa Clara, confirmando cu John Heard a fayece.

E Examen medico y autopsia a wordo haci diasabra den oranan di mainta, e causa di su morto ainda no ta conoci, falta algun test mas pa wordo haci y esey lo por dura tres pa cuater siman, pa asina por determina e causa di su morto.

Algun dia pasa e actor a haci un operacion chikito na su lomba y tabata recuperando den e hotel na Palo Alto, California.

 Segun vocero di polis local, John Heard lo a wordo encontra pa un persona den su camber y e persona aki mesora a bati alarma, bisando cu na e hotel lo tin persona cu mester atencion medico cu hopi urgencia, mesora a manda polis, brandweer y ambulance na e hotel, pero autoridad local no por a haci nada mas, paso ya e curpa di John tabata sin bida.

John Heard tabata un actor cu a laga un carera hopi exitoso di 4 decada atras. Tambe na Broadway, New York e ela actua den varios obra theatral y varios serienan na television. John Heard a cuminsa su carera como actor na aña 1970 den Sopranos.

John Heard a actua den Home Alone, como tata di Kevin, ( Macaulay Culkin), ela actua tambe den e peliculanan conoci manera; Big, Beaches, Awakenings, Pelican Brief, ela wordo nomina pa Emmy Awards pa actua den e pelicula White Chicks, ela actua den Deceived, Gladiators y hopi mas. 

John Heard tabata tin tambe un rol den un pelicula nobo cu lo mester sali e anja aki, e pelicula yama Living Among Us. Ainda no ta conoci ki dia e pelicula aki lo wordo estrena y cu si elo wordo estrena den Cinemanan.

John Heard tabata casa y divorcia tres biaha, e ta laga tres yiu atras, John Matthew, Max y Annika.