ORANJESTAD, Aruba: Diahuebs dia 20 di juli 2017 ta marca exactamente 10 aña cu Riu Palace Aruba a habri oficialmente riba nos isla. Durante e decada aki, RIU Hotels a demostra un compromiso serio cu e isla, pasobra despues di 7 aña cu a adkiri e prome hotel, nan a habri un di dos hotel na Aruba, Riu Palace Antillas.
Di acuerdo cu Vanessa Blanco, Gerente General di Riu Palace Aruba, “danki na e servicio excepcional, nos por bisa orguyosamente cu nos grado di ocupacion ta halto durante henter aña”. El a subraya e hecho cu e exito di e cadena di hotelnan internacional no ta solamente e edificio bunita of e beachnan blanco y bunita di Aruba, pero e ta kere e ta primordialmente pa e empleadonan excepcionalmente servicial di RIU Hotels, cu ta ofrece un servicio excepcional tur dia na e huespednan.
RIU Hotels & Resorts a habri Riu Palace Aruba na aña 2007. Debi na e gran exito di su prome hotel riba nos isla, e compania a dicidi di adkiri un di dos propiedad na 2014, esta Riu Palace Antillas. Hunto e dos hotelnan aki ta maneha mas o menos 27 mil huesped pa luna, aprocimadamente 700.000 pa aña. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.
A funda e cadena internacional RIU na aña 1953, na Majorca, Spaña, como un hotel chikito pa pasa vakantie y ainda e compania ta pertenece na e di tres generacion di famia Riu. E compania ta specialisa den hotelnan pa pasa vakantie y riba 70% di su establecimentonan ta ofrece e servicio di “All Inclusive by RIU”. Cu inauguracion di su prome “City Hotel” na aña 2010, RIU ta expandiendo su productonan awor cu su mesun liña di City Hotel yama “Riu Plaza”. RIU Hotels & Resorts awendia tin 95 hotel den 19 pais, incluyendo Spaña, Portugal, Irlanda, Alemania, Bulgaria, Turkia, Morocco, Merca, Mexico, Jamaica, Bahamas, Aruba, Costa Rica, Republica Dominicana, Panama, Cabo Verde, Mauritius, St. Martin y Sri Lanka.
RIU Hotels ta yama bon bini na riba 4 miyon huesped anualmente y ta ofrece trabou na un total di 28.867 empleado. Actualmente e compania ta clasifica na number 29 di e lista di cadena di hotelnan y ta un di e cadena di hotelnan mas popular den Caribe, e di dos mas grandi na Spaña den termino di entradanan y ta di tres mas grandi den cantidad di cambernan.