Home Uncategorized Turista bou influencia tabata molestiando trahadornan di Citgo Sasaki

Turista bou influencia tabata molestiando trahadornan di Citgo Sasaki

SHARE

Caya Ritmo, Sasaki: Diahuebs den oranan di marduga un patruya di polis ta wordo manda na Citgo Sasaki, pa motibo cu un turista bou influencia tabata haciendo fastio.

Na yegada enberdad e polisnan ta topa cu un turista basta bou influencia y ta bin compronde cu e homber aki tabata dirigi su mes den un forma basta grocero na e dos damanan cu tabata nan so trahando, e tabata exigiendo di e dos damanan pa yama un taxi p’e. 

E polis nan mesora a bay papia cu e turista y pa su mesun seguridad y di otronan, e polisnan na e sitio a dicidi di hiba e turista na su hotel pa e bay descansa y no sigui molestia niun hende mas.