Home » SEGUN EVELYN WEVER-CROES: PARLAMENTARIONAN DI AVP NO SA KIKO NAN MES A APROBA?

SEGUN EVELYN WEVER-CROES: PARLAMENTARIONAN DI AVP NO SA KIKO NAN MES A APROBA?

by sxm
0 comment 70 views
ATA PRUEBA DI E ‘KWIJTSCHELDING’ DI 60.5 MIYON DI SVB
 
STA. CRUZ — ‘Nos ta mi custumber pa reacciona riba parlamentarionan di AVP, pasobra mi tarea ta controla gobierno, pero ora e parlamentarionan aki cuminsa acusa ami di ta manipula cu informacion, mi tin cu dedica poco tempo na nan.
 
Sr. Baba Herde y sr. Marlon Sneek a laga sa cu no ta berdad cu SVB a duna Gobierno un kwijtschelding di 60.5 miyon florin. Wel ata e prueba adhunto: e ley OLV 2015-2016-836 den cual a regla e kwijtschelding aki. E ley aki ta e presupuesto supletorio di gobierno di Mike Eman cu mester a sera buraconan den nan presupuesto, y a bin cu e ley pa regla e kwijtschelding aki.
Pues, e 60,5 miyon florin cu gobierno di Aruba debe e fondo di SVB, Mike Eman, sosteni pa Baba Herde y Marlon Sneek a dicidi di NO paga SVB, pero regala nan gobierno pa tapa e buraco financiero den e presupuesto 2015. E buraco financiero ey a wordo causa pa gastonan haltisimo di ministernan y coordinadornan. 
 
Mi ta puntra mi mes, si e dos parlamentarionan aki tabata na soño dia a trata e ley aki den Parlamento, pasobra MEP a vota CONTRA, pero AVP si a vota na fabor. Acaso sr. Baba Herde y sr.Marlon Sneek no sa kiko nan mes a aproba?
 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio