Home Uncategorized Construccion di verkeersplateau na altura di Paradera

Construccion di verkeersplateau na altura di Paradera

SHARE

ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di rotonde Paradera bayendo Pacifico Restaurant cu dia 20 y 21 July 2017 lo bay construi dos verkeersplateau.

 

Dia 20 July un verkeersplateau lo wordo construi dilanti Paradera 163A  y dia 21 July 2017e otro lo wordo construi dilanti Paradera 165B (Chetos).

 

Rutanan alternativa lo keda indica cu baricadanan y borchinan di aviso y e orario di trabou lo ta di 7or di anochi y ta programa pa caba 3’or di marduga.

 

En conexion cu e trabou menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.