Home Uncategorized EVELYN WEVER-CROES: SOLUCION # 1 PA MEDIO AMBIENTE PAGA CANDELA DI...

EVELYN WEVER-CROES: SOLUCION # 1 PA MEDIO AMBIENTE PAGA CANDELA DI DUMP Y BAHA E SERO DI SUSHI

SHARE

ORANJESTAD — Un tema importante trata durante e debate di millennials ta e tema di medio ambiente. “Prome cu papia di cualquier otro tema di medio ambiente, nos mester soluciona e problema di dump. Si bo cana den Parkietenbos, Simon Antonio y vecindario, bo ta sinti e molester di huma y candela, y di musca. 

E solucion riba termino corto pa MEP ta:

  1. Paga e candela y percura pa e candela no sende mas. Pa elimina e molester di huma y candela cu awor ta e problema mas serio. Mester pone tubonan den e sero di sushi, pa e gas por sali sin causa explocionnan bou di e sero pa asina evita candela.
  2. Sushi cu ta wordo hiba eynan tur dia mester wordo procesa mesora. Si ta e planta cu a wordo boycotia, of otro planta, no ta interesa mi. E problema mester wordo soluciona, pa asina sushi cu drenta wordo procesa pa evita cu e sero sigi crese
  3.    Despues mester cuminsa na baha e sero di sushi door di procesa e sushi of exporta e sushi

MANEHO DI SUSHI 

Pa yega na un solucion structural riba e tereno di medio ambiente, nos mester desaroya un maneho responsabel di sushi riba henter Aruba, especialmente pa e dumpnan illegal y pa conserva nos medio ambiente. Un maneho responsabel di sushi meste rta basa riba separacion di sushi y concientisacion. Ban concientisa nos muchanan cu nan mester tene Aruba limpi, y nan mes lo educa nan mayornan. Nos campaña di concientisacion lo ta basa riba e 3 “R” nan: Redusi sushi, Re usa mas tanto posibel, y Recicla sushi.

MANEHO STRUCTURAL DI MEDIO AMBIENTE

Un maneho structural riba tereno ambiente mester ta basa riba e sigiente puntonan:

  1. Maneho structural riba desperidicio na Aruba, ancra den ley
  2. Maneho responsabel riba medio ambiente: reserva e areanan di naturalesa realmente pa naturalesa
  3. Ley di medio ambiente, cu autoridad pa actua y cu multanan pisa
  4. Marine park, pa proteccion di nos bida marino
  5. MER-committee cu autoridad pa controla estudionan di impacto riba medio ambiente, y nan ehecucion

Indudablemente e vision di MEP riba e tereno aki ta mustra e prioridad, e ta realistico y a cai den hopi bon tera. Cu esaki lider di MEP a score hopi halto den e ultimo debate, esey ta algo cu te dia di awe hendenan ta comenta riba Aruba.