Home » Atrobe ariba crusada di R.C.A, accidente pa falta di no duna preferencia

Atrobe ariba crusada di R.C.A, accidente pa falta di no duna preferencia

by sxm
0 comment 131 views

Kamerlingh Onnesstraat – Diamars atardi pa mas o menos 5:45 polis ta haya informacion di un accidente, ariba crusada conoci di R.C.A .
Informacion adicional tawata bisa cu tin dos persona herida.

Na yegada enberdad polis a bin topa cu e accidente, entre un Nissan Sentra y Chevrolet Spark.
Tanto den e Sentra y Spark tawata tin persona herida. Na e sitio nos a compronde cu, e Spark a subi crusada y dal e Sentra.

Den Nissan Sentra e cabayero a ricibi un kap ariba cabes, cu tawata sangra basta. Den e Spark un otro cabayero a haya golpi den pecho y tawata keha di basta dolor.
E boksmento manera semper ariba e crusada aki, falta di duna preferencia. Pues tin chauffeur sea nan no conoce e crusada of no sa reglanan di trafico y ta gewoon yega subi caminda cu tur su consecuencia. Mester bin un cambio na e crusada aki, e lo mester wordo cambia pa un rotonde. Ta constantemente tin accidente na e sitio aki, tin biaha mas cu un biaha pa dia.

Dos ambulance a presenta y a hiba ambos persona direccion hospitaal pa tratamento.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio