Home Uncategorized Bandera di Aruba bulando na Iran, Dos hoben arubiano riba bais di...

Bandera di Aruba bulando na Iran, Dos hoben arubiano riba bais di bishita na Iran y lo sigui riba nan bais pa nan destinacion final Thailand

SHARE

Teheran: Dos hoben arubiano, Jaillen y William Lacle a cuminsa cu un hazaña unico, despues di basta luna di preparacion e dos hobennan aki a dicidi di cuminsa cu un aventura cu lo por dura un aña. Dia 3 di april 2017 nan a sali riba nan bais for di hulanda cu un meta pa yega te Thailand riba bais. Den e tres lunanan cu a pasa, nan a viaha riba nan bais di un pais pa otro di Alemania, pa Austria, Slovenia, Ungaria, Serbia, bulgaria, Turkia y cuminsamento di July nan a yega Iran. 

Actualmente nan ta coriendo bais den Iran y manera nan ta bin ta haciendo caba na cada pais, purbando di conoce mas  hopi cu ta posibel di Iran, tur caminda cu nan a bay nan a cera amistad cu hendenan local y asina cera conoci cu e cultura, e tradicionnan etc di cada pais. 

E rumannan Lacle tin un visa pa Iran di un luna y actualmente nan ta na Chaboksar,  eynan ta haciendo demasiado calor te cu nan a hayanan a obliga di cambia nan ruta y bay mas nort posibel di Iran unda ta haci un poco menos calor. E calor ta asina fuerte cu vooral den oranan di merdia ta bira casi imposibel pa core bais y e ora ney nan ta tuma nan siesta.

E siguiente pais cu nan lo bishita ta Turkmenistan. Por sigui e rumannan Lacle via Facebook Laclebrothers of via nan website www.laclebrothers.com.

Akinan por mira varios imagen cu e rumannan Lacle a saca pa asina nos por siguinan y tambe via imagennan por mira un poco di kiko tur nan ta conociendo y pasando aden. 

Arubanative.com ta desea e rumannan Lacle hopi exito cu nan hazaña y tambe cuida curpa.