Oranjestad: For di mainta caba por a mira un rij largo para na entrada di cas di cultura, e rij aki ta di venezolanonan residencia na Aruba cu a bay vota pa un referendum organisa pa partidonan den oposicion na Venezuela y sosteni pa e parlamento Venezolano.
Den e referendum aki oposicion lo kier haya sa si e pueblo Venezolano ta para nan tras Si of no, mirando cu e presidente Venezolano tin plannan pa cambia e Constitucion venezolano.
Despues di 3 luna di protesta, gobierno y oposicion a bay di acuerdo pa tene dos sorto di referendum pa asina haya sa kiko e votadornan venezolano ta opina, e prome referendum ta 16 di Juli, esaki ta esun di oposicion y e otro ta dia 30 di Juli teni pa e Gobierno di Presidente Maduro.
Oposicion kier logra cu esaki pa e Presidente y mundo haya sa cu no mayoria di e pueblo no ta di acuerdo cu cambio di constitucion di presidente Maduro. Es mas cu e cambio di e constitucion, segun oposicion, e presidente lo por elimina e asamblea nacional mane e ta actualmente y e lo haya e poder absoluto.