Home » Ladronnan ta bay cu casi 60 caha di whiskey Old Parr for di deposito di Kinppo Supermarket

Ladronnan ta bay cu casi 60 caha di whiskey Old Parr for di deposito di Kinppo Supermarket

by sxm
0 comment 141 views

Cura Cabay: Diabierna den oranan di marduga patruya di San Nicolas ta wordo manda na altura di Kinppo Supermarket na Cura cabay, pa motibo cu lo tin tres ladron den e Supermercado.

 
E patruya mesora a bay na e sitio, nan a pasa prome dilanti pero no a mira nada particular y a dicidi di pasa bandi pabou di e Supermercado, eynan e patruya a wordo aserca pa un persona cu ta biba net eybanda, e persona a bisa polis cu ela tende mescos cu algo a cay y ela dicidi di sali wak pafo kiko ta pasando, e la mira tres persona cara tapa cu un flanel lora, nan a cuminsa na agredie pero ora un familiar a cende lus, nan a core subi den un Nissan Skyline shinishi y a bandona e sitio. Segun e persona, e ladronnan lo a slai for di e porta di emergencia.
 
Polis mesora a comunica cu e doño di e supermercado y despues cu nan a yega, e doño a bin ripara cu e ladronnan aki a bay cu casi 60 caha di Whisky Old Parr for di e deposito, paden nan a bin ripara cu e ladronnan a pasa via e dak y a hala e camaranan di seguridad for di nan angulo. Riba e dak nan a haya varios mancha di sanger cual aparentemente lo por ta di un di ladronnan cu lo a herida su mes tambe a haya un caha di whisky Old Parr, e caha aki a keda confisca pa mas investigacion.
 
Departamento Technico di polis a keda di pasa den oranan di mainta, e caso aki ta den man di autoridad pa mas investigacion.
 
 
 
 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio