Home Uncategorized Rudy Richardson di MEP: Enseñansa ta un top prioridad y San Nicolas...

Rudy Richardson di MEP: Enseñansa ta un top prioridad y San Nicolas lo haya su fair share di institutonan academico

SHARE

Nos di Movimiento Electoral di Pueblo lo buta enseñansa un prioridad den e siguiente gobierno di MEP. Enseñansa ta e area cu a wordo neglisha ultimo añanan. No ta tur caminda ta reconoce e diploma di scolnan di Aruba. Nos tin cu eleva nos sistema den tur sentido. E parti di nos docentenan bon prepara pero tambe mester soluciona e problemanan social cu ta perhudica e formacion di nos muchanan. Nos mayornan ta hunga un rol sumamente importante den esaki. Enseñansa ta birando mucho caro y tin un porcentahe significativo cu no por carga esaki, perhudicando e futuro di nos proximo generacion Arubano. No ta tur famia por carga e gastonan y consecuentemente hobennan tin tendencia di stop cu nan estudio. Nos compromiso ta pa minimilisa esaki mas tanto posibel. Un hubentud mas progresivo cu por competi den region den tur sentido.

 

San Nicolas tin su retonan specifico tambe. No tin un EPI na San Nicolas, nos EPB mester cierto reforma y duna mas oportunidad posibel na nos hubentud. Tin cu trece cambio den e leerplicht actual pa haya e mihor nivel di exito posibel. Mester buta e hoben central y elimina e fenomeno di drop-outs. Havo/Vwo completo na San Nicolas den dia y anochi. Mester introduci cursonan vocacional den e area pa motiva nos hendenan pa haci algo productivo parti anochi. Posibilidad di un Universidad Regional den Seroe Colorado tambe lo tin su beneficionan academico como economico. Inverti den material di enseñansa. Un biblioteca funcional tambe ta necesario. Nos centro di barionan por tin filial di nos Biblioteca Nacional cerca di barionan pobla pa asina tin mas acceso pa esnan cu no tin transporte. Nos mester percura pa esaki bira un realidad entre 2017-2021. 

 

Aruba tin necesidad urgente na mas scol secundario. Mester mas cupo pa studiante na e scolnan di Havo y Mavo den vecindario di nan cas. Tin hoben tin cu lanta trempan pa coy bus pa yega scol den un otro districto. Esaki no ta progresivo. Nos lo percura pa Noord haya su Havo/Vwo asina nos ta brinda tur hoben mas acceso na enseñansa den nan bario/districto. Logico nos kier mas tanto oportunidad deportivo y artistico tambe den e districtonan y no solamente den un parti di nos pais. Movimiento Electoral di Pueblo tin un compromiso pa brinda un miho calidad di enseñanasa y reforma locual ta un obstaculo pa nos desaroyo colectivo.