Un cantidat grandi di miembronan rabia y malcontento pa cu decicion nan di Kc caminda no ta tene cuenta cu seguridad di e polis. Tambe debi na differente deficiencia den hopi aspectonan di seguridad pa polis.
No tin sufficiente auto di patrouille y esunan cu tin no ta adecua y no ta cuadra cu exigencianan cu un patrouille wagen mester cumpli cune.
Un maneho devastador di personal. Tin un onderbezetting den departamento di surveillance.
Ultimamente polisnan hoben cu ta cabando opleidingschool ta wordo manda den special afdelingen envez di bai bek surveillance dienst y gana mas experencia como polis uniforma.
Esaki ta debilita y sigui debilita surveillance dienst.
Esaki ta un maneho cu tin su effect directo riba e seguridad di e polisnan. Caminda cu e personeel aki ta trahando wardanan dobbel pa por brinda pueblo seguridad cual atrobe ta resulta den ziekmelding nan.Esaki ta resulta den polisnan cu ta cansa mentalmente y fysicamente.
Tambe esaki su consequencia ta cu comunidad no por hanja e debido protekshon y servicio cu nos comunidad merece.
Mas aun e maneho di personal ta motibo di hopi preocupashon, malcontento y ta pone tur e cuerpo no por funkshona manera debe ser.
Un gran scarcedad di material cu tambe ta pone cu e cuerpo no por funkshona y sirbi comunidad manera debe ser.
No tin training nan di upgrading pa e personal por funkshona na un manera responsabel.
Despues di un esfuerso grandi awe mainta pa cu character di urgencia hanja un consulta cu hefe di cuerpo encuanto malcontento grandi den cuerpo. Hefe di cuerpo di un forma hopi arogante a insulta y ofende e lidernan di Sindicato di S.P.A. y su miembronan.
E actitud di hefe di cuerpo ta iresponsabel y intolerable pa Sindicato S.P.A. y su miembronan.
Tambe maneho di e hefe di cuerpo pa cu e diferente puntonan ariba menshona ta un muestra bon cla di mal maneho di hefe di cuerpo. Algo cu ta completamente inaceptabel pa e miembronan di S.P.A. y nan directiva.
Miembronan ta hopi mal contento cu henter e proceso di reorganisashon caminda sindicato S.P.A. ta forma parti di consulta y acuerdo.
Den un reunion extra ordinario cu a tuma lugar diamars ultimo 4 juli 2017 miembronan a expresa bon cla disgust/malcontento pa cu funkshonamento y desishonan di mal maneho di hefe di cuerpo
E ultimo desaroyonan aki a condusi cu miembronan y e sindicato S.P.A.no tin confiansa mas den maneho di hefe di cuerpo.
Na final SPA kier expresa bon cla cu cuerpo y su trahadornan ta di luto cu perdida di nos colega y kier pa tur hende, hefenan di cuerpo policial y minister di justicia tene comprencion pa cu nos posicion. Esaki ta ensera cu SPA y su miembro nan no ta di acuerdo pa duna ningun begeleiding den actividadnan festivo den e dianan prome cu entiero.
Pa sindicato S.P.A. y su miembronan “AWA A PASA HARINJA”